Server - Teste Ita-nia Aplikasaun Django liu husi kalohan uza NGROK
Saida mak NGROK?
Ngrok mak dalan ida-ne'ebé lalais no fasil liu ba ita atu tau ita-nia aplikasaun ka website iha internét hodi ita bele halo teste ka hatudu website ba ema seluk liu husi domain ka enderesu temporariu ne'ebé ngrok fo mai ita. Ho ida ne'e ita la presiza atu publikasaun ka host ita-nia website ba server ruma.
Prerekezitu - Oinsá Host Projetu Django Ruma Uza Ngrok?
- Download no Instala Ngrok
- Run/Ezekuta Ngrok
- Hatama Domain Temporariu husi Ngrok ba Django
- Runserver iha Projetu Django
1. Download no Instala Ngrok
Dowload no Instala Ngrok husi ofisial website Ngrok nian iha nee https://ngrok.com/download tuir sistema operasaun ne'ebé ita uza (Ez. Mac OS, Windows, Linux ka seluk).
Unzip file ne'ebé ita download tiha ona no ita sei haree file ho naran "ngrok.exe" iha Windows, no iha Mac OS ita sei haree file"ngrok". Ita-nia file download sira normalmente rai iha folder naran "Downloads" iha ita-nia leptop ka computador, cd ba folder "Downloads" iha terminal hodi unzip, haree tuir ezemplu iha okos:
➜ ~ cd Downloads
➜ Downloads unzip ngrok-v3-stable-darwin-amd64.zip
Archive: ngrok-v3-stable-darwin-amd64.zip
inflating: ngrok
➜ Downloads ls
ngrok ngrok-v3-stable-darwin-amd64.zip
Muda file "ngrok.exe" ka "ngrok" ba iha folder "/bin" nia laran.
➜ Downloads sudo mv ngrok /usr/local/bin
2. Run/ezekuta Ngrok
Iha terminal run/ezekuta ngrok http 8080 hodi halo teste.
➜ Downloads ngrok http 8080
Ita sei haree rezultadu hanesan hatudu iha okos iha terminal.
3. Hatama Domain Temporariu husi Ngrok ba Django
Kopia domain temporariu husi ngrok ne'ebé hatudu hanesan ezemplu iha leten ba iha ita-nia projetu folder/directory nia laran iha file ida naran settings.py, loke file ne'e hodi hatama domain (Ez. 7050-43-254-59-202.ngrok-free.app) ba iha laran iha liña ALLOWED_HOSTS nian, ezemplu:
projetuteste/settings.py
... ALLOWED_HOSTS = ['localhost', '127.0.0.1', '7050-43-254-59-202.ngrok-free.app']
...
4. Runserver iha Projetu Django
Tuir mai run ka ezekuta ita-nia local server tuir port ne'ebé ita fó iha leten (Ez. port 8080) iha ita-nia projetu django.
(env) ➜ projetuteste python manage.py runserver 8080
Watching for file changes with StatReloader
Performing system checks...
System check identified no issues (0 silenced).
September 29, 2023 - 02:18:27
Django version 3.2.17, using settings 'projetuteste.settings'
Starting development server at http://127.0.0.1:8080/
Quit the server with CONTROL-C.
Tuir mai kopia no vizita forwarding link ne'ebe hatudu iha terminal ngrok nian hanesan image iha okos iha browser ka bele share link ne'e ba kolega seluk hodi halo teste iha leptop ka telefone.
Bainhira ita vizita link iha leten ita sei haree uluk pájina ne'e, buti iha butaun"Visit Site" hodi vizita ita-nia website.
Ita sei haree ita nia website hanesan ezemplu hatudu iha okos. Ne'e signifika ita-nia website ka projetu django refere temporiamente tau ona iha cloude/kalohan no ema seluk bele asesu iha fatin ne'ebé deit liu husi temporariu link ne'ebé ngrok oferese mai ita, excetu ita taka ona server rua ne'ebé ita run/ezekuta iha terminal iha ita-nia komputador.
Job Hotu Ona!!
Espera katak ita kontente lee hau nia blog ida ne'e. Favór ida keta haluha atu husik hela ita-nia komentáriu ruma iha kraik hodi hau hadia diak liu tan iha futuru iha blog tuirmai.
-- Obrigadu!